Պարանոցի միջային և կողմնային կիստաները, ինչպես նաև լիմֆատիկ գեղձերի որոշ հիվանդությունները հաճախ պահանջում են վիրաբուժական բուժում՝ բորբոքային բարդություններից և կրկնություններից խուսափելու համար։ Այս գոյացությունները կարող են լինել բնածին կամ ձեռքբերովի և արտահայտվել պարանոցի շրջանում գոյացության, ցավի, այտուցի կամ բորբոքման տեսքով։

Վիրահատական բուժումը ներառում է՝

• միջային պարանոցային կիստայի հեռացում (թիրոգլոսալ կիստա),

• կողմնային պարանոցային կիստայի հեռացում (բրանխիոգեն կիստա),

• պարանոցի լիմֆատիկ գեղձերի հեռացում

Վիրահատությունը սովորաբար կատարվում է տեղային կամ ընդհանուր անզգայացմամբ՝ կախված գոյացության չափից և տեղակայությունից։ Միջամտության տևողությունը միջինում կազմում է 30–90 րոպե։

Վիրահատությունից հետո վերականգնողական շրջանը համեմատաբար կարճ է։ Հիվանդների մեծ մասը վերադառնում է առօրյա կյանքին մի քանի օրվա ընթացքում, իսկ վերջնական արդյունքը գնահատվում է 2–3 շաբաթ անց։

Ժամանակին իրականացված վիրաբուժական բուժումը թույլ է տալիս լիովին հեռացնել գոյացությունը, կանխել կրկնությունը և վերականգնել պարանոցի բնական տեսքը։